പരിസ്ഥിതി ദിനാചരണം

 പരിസ്ഥിതി ദിനാചരണം

എല്ലാ വർഷവും ജൂൺ 5 ആണ് ലോക പരിസ്ഥിതി ദിനമായി ആചരിക്കുന്നത്. പരിസ്ഥിതി പ്രശ്നങ്ങളെ  കുറിച്ചുള്ള അവബോധം വരുത്താനും കർമ്മ പരിപാടികൾ ആസൂത്രണം ചെയ്യാനുമാണ് പരിസ്ഥിതി ദിനം ആചരിക്കുന്നത്.
 ഐക്യരാഷ്ട്രസഭ ജനറൽ അസംബ്ലിയാണ് 1972 മുതൽ ഈ ദിനാചരണം ആരംഭിച്ചത്.

2019 പരിസ്ഥിതി ദിന മുദ്രാവാക്ക്യം-
"BEAT AIR POLLUTION"


NSS പ്രവർത്തനത്തിന്റെ ഭാഗമായി സ്കൂളിൽ പരിസ്ഥിതി ദിനം ആചരിക്കുകയുണ്ടായി.അന്നേ ദിവസം NSS കുട്ടികൾ സ്കൂളിൽ ഒത്തുകൂടുകയും  വിവിധ തരത്തിൽ ഉള്ള ഫല-വൃക്ഷ തൈകൾ സ്കൂൾ കോമ്പൗണ്ടിൽ നട്ട് പിടിപ്പിക്കുകയും ചെയ്തു . ശേഷം പ്ലാസ്റ്റിക് മാലിന്യങ്ങൾ ശേഖരിച്ചു  നിർമ്മാജനം ചെയ്തു.പിറ്റേന്ന് ജൂൺ 6നു സ്കൂൾ കുട്ടികൾക്ക് തൈകൾ വിതരണം ചെയ്യുകയും ചെയ്തു.
മരം ഒരു വരം!

മനസ് നന്നാവട്ടെ...

സ്കൂൾ പ്രവേശനോത്സവം

സ്കൂൾ പ്രവേശനോത്സവം
എല്ലാ വർഷവും നടത്തി വരാറുള്ള പോലെ തന്നെ ഇത്തവണയും പ്രവേശനോത്സവം ഗംഭീരം ആക്കി.
പൂർവ്വവിദ്യാർത്ഥിയും മുൻ ഹൈ കോടതി ജഡ്ജിയും ആയിരുന്ന ശ്രീ പി രാജൻ മുഖ്യ അതിഥി ആയ ചടങ്ങിൽ പി.ടി.എ പ്രസിഡന്റ്‌ അധ്യക്ഷനായി. എച്.എസ് പ്രിൻസിപ്പൽ ശ്രീമതി ആശാലത സ്വാഗതം ആശംസിച്ച ചടങ്ങിൽ കുന്നംകുളം ചെയർപേഴ്സൺ ശ്രീമതി സീത രവീന്ദ്രൻ പങ്കെടുത്തു.സ്കൂളിൽ വരുന്ന വർഷം നടത്താൻ തീരുമാനിച്ചിരിക്കുന്ന വികസന പ്രവർത്തനങ്ങളെ കുറിച്ച് ബഹുമാന്യയായ ചെയർപേഴ്സൺ പ്രസംഗിച്ചു. വി.എച്.എസ്.ഇ,  എച്.എസ് സെക്ഷനുകളിലെ പ്രിൻസിപ്പൽമാർ വേദിയിലിരിക്കുന്ന വിദ്യാർത്ഥി വിദ്യാര്ഥിനികളെയും മാതാപിതാക്കളെയും അഭിസംബോധന ചെയ്ത് സംസാരിച്ചു.
ശേഷം മിട്ടായി വിതരണവും, NSS പി.ഒ  ശ്രീമതി ശോഭന മിസ്സിന്റെ നേതൃത്വത്തിൽ കുട്ടികളെ അതാത് ക്ലാസുകളിലേക്ക് കൊണ്ട് പോവുകയും ചെയ്തു.

മനസ് നന്നാവട്ടെ...

Cleaning

സ്കൂൾ തുറക്കുന്നതിന് മുന്നോടി ആയുള്ള ശുചീകരണം
പ്രവേശനോത്സവത്തിന്റെ ഭാഗമായി നവാഗതരെ സ്വീകരിക്കാൻ സ്കൂൾ കോംപൗണ്ട് ശുചീകരണത്തിനായി NSS വോളിന്റേർസ് ഒത്തുകൂടി.സ്കൂൾ പരിസരത്ത് ഉള്ള കാട് വെട്ടി  തെളിക്കുകയും കൊതുക്കളുടെ ഉറവിടം നശിപ്പിച്ചു.

മഴവില്ല് 7ആം ദിനം

മഴവില്ല് 7ആം ദിനം

ഒടുവിൽ ആ ദിവസം വന്നെത്തി ക്യാമ്പ് അവസാനിക്കുന്ന ദിനം. കുട്ടികളിൽ ക്യാമ്പ് വിട്ടു പോവുന്നതിനുള്ള വിഷമം നിറഞ്ഞു നിന്നു .മനീഷ് കാണിപ്പയ്യൂർ സാറിന്റെ അവസാനത്തെ യോഗ ക്ലാസ്സ്‌ ആയിരുന്നു അന്ന്.രസകരമായ ക്ലാസിനു ഒടുവിൽ വോളന്റീർമാർ സാറിന്റെ കാൽ തൊട്ട് വന്ദിക്കുകയും പാട്ടുകൾ പാടി സാറിനെ യാത്രയാക്കുകയും ചെയ്തു. ശേഷം ക്യാമ്പ് പിരിയുന്നതിനു മുൻപ് സ്കൂൾ പരിസരം ശുചിയാക്കുകയും ക്ലാസുകൾ എല്ലാം പഴയതു പോലെ ആക്കുകയും ചെയ്തു.ശേഷം 2 മണിയോടെ 7 ദിവസം നീണ്ടു നിന്ന മഴവില്ലിന്റെ സമാപനം ആഗതമായി.PTA പ്രസിഡന്റ്‌ ശ്രീ മുകുന്ദൻ ടി അധ്യക്ഷൻ ആയ ചടങ്ങ് കുന്നംകുളം ചെയർപേഴ്സൺ ശ്രിമതി സീത രവീന്ദ്രൻ ഉൽഘടനം ചെയ്തു.തുടർന്ന് ഒട്ടേറെ പ്രമുഖർ പങ്കെടുത്ത ചടങ്ങിൽ, ആരോഗ്യം സ്റ്റാന്റിംഗ് കമ്മിറ്റീ ചെയർപേഴ്സൺ ശ്രിമതി സുമ ഗംഗാധരൻ മാഗസിൻ പ്രകാശനം നിർവഹിച്ചു.ചടങ്ങിൽ കുട്ടികളും ടീച്ചർമാരും ക്യാമ്പ് അനുഭവങ്ങൾ പങ്കു വെച്ചു.സമാപന ചടങ്ങ് ഓടെ തികച്ചും ഒരു സ്വർഗആന്തരീക്ഷം സൃഷ്ട്ടിച്ച NSS സപ്ത ദിന ക്യാമ്പ് പര്യവസാനിച്ചു..
മനസ് നന്നാവട്ടെ....

മഴവില്ല് 6ആം ദിനം

മഴവില്ല് 6ആം ദിനം 

മഴവില്ല് ക്യാമ്പിന്റെ അവസാനം അടുക്കുന്നു...ക്യാമ്പിൽ വരാൻ മടി കാണിച്ചിരുന്ന കുട്ടികൾ ക്യാമ്പ് സമാപനത്തെ ഓർത്തു വിഷമിക്കുന്നു.മഴവില്ല് ക്യാമ്പിന്റെ ആറാം ദിനം ആരംഭിക്കുകയായി..യോഗയ്ക്ക് ശേഷം വടുതല സ്കൂൾ പ്രിൻസിപ്പൽ ന്റെ ആവശ്യ പ്രകാരം,സ്കൂൾ കുട്ടികൾക്ക് പഠിക്കാൻ ഉതകുന്ന തരത്തിലുള്ള ഗണിത രൂപങ്ങൾ നിർമിച്ചു കൊടുക്കുകയും,സ്കൂൾ പരിസരത്ത് വൃക്ഷ തൈകൾ നട്ടു പിടിപ്പിക്കുകയും ചെയ്തു.
ശേഷം നാടൻപാട്ടും,പ്രകൃതിയും എന്ന ക്ലാസ്സ്‌ എടുക്കാനായി ശ്രീ ജോസ് അരിമ്മ്ബൂർ എത്തിച്ചേർന്നു.നാടൻ പാട്ടുകൾ പാടി കുട്ടികളിൽ ഉന്മേഷം നിറച്ച സർ കുട്ടികളുടെ കണ്ണ് നിറച്ചു കൊണ്ടാണ് മടങ്ങിയതു.അച്ഛൻ അമ്മമാരോടുള്ള കുട്ടികളുടെ പെരുമാറ്റത്തെ കുറിച്ചും നമ്മളെ വളർത്തി എടുക്കുന്നതിൽ അവർ അനുഭവിക്കുന്ന കഷ്ട്ടതകളെ കുറിച്ചും വിവരിച്ച സർ കുട്ടികളെ കരയിപ്പിച്ചു.മഴവില്ല് ക്യാമ്പിന്റെ അവസാന ക്ലാസ്സ്‌ സെഷൻ ആയിരുന്നു അത്.

മഴവില്ല് 5ആം ദിനം

മഴവില്ല് 5ആം ദിനം 

ദിവസങ്ങൾ കടന്നു പോവും തോറും വളണ്ടിയേഴ്‌സ്ൽ ആവേശം ഇരട്ടിപ്പിക്കുന്ന ഒന്നായി മാറി മഴവില്ല് ക്യാമ്പ്. മനീഷ് സാറിന്റെ യോഗ ക്ലാസ്സ്‌ വളണ്ടിയേഴ്സിൽ ആവേശം നിറക്കുന്നതായിരുന്നു.
പുസ്തക ശേഖരണത്തിന് ശേഷം
ശ്രിമതി. രാജേശ്വരി ടീച്ചർ, "സഞ്ചാരം എന്ന സ്വാതന്ത്ര്യം" എന്ന വിഷയത്തിൽ ക്ലാസ്സ്‌ എടുത്തു.
താൻ നടത്തിയ വിവിധ യാത്രാനുഭവങ്ങൾ പങ്കുവെച്ച ടീച്ചർ വളണ്ടിയേഴ്സിൽ യാത്രകളെ സ്നേഹിക്കാൻ പ്രേരിപ്പിച്ചു.സ്ത്രീ ശാക്തീകരണം എന്ന വിഷയത്തിലൂടെയും കടന്നു പോയ നീണ്ട ക്ലാസ്സ്‌ സ്ത്രീകൾ നേരിടുന്ന വിവിധ പ്രശ്നങ്ങളെ കുറിച്ചു അവയെ എങ്ങനെ നേരിടണം എന്നതിനെക്കുറിച്ചും വിവരിച്ചു.

മഴവില്ല് നാലാം ദിനം

മഴവില്ല് നാലാം ദിനം

സ്കൂൾ NSS PO ശോഭന ടീച്ചറുടെ പിറന്നാൾ ആഘോഷിച്ചു സന്തോഷത്തോടെ തുടങ്ങിയ മഴവില്ലിന്റെ നാലാം ദിനം അവസ്മരണീമായ ഒന്നായിരുന്നു.പതിവ് പോലെ യോഗയ്ക്ക് ശേഷം 9 മാണിയോട് കൂടി കമ്മ്യൂണിറ്റി പ്രവർത്തനത്തിന് ഇറങ്ങി തിരിച്ചു.വടുതല യിലെ വീടുകൾ കേന്ദ്രികരിച്ചു  പ്ലാസ്റ്റിക് നിർമ്മാജനം എന്നതായിരുന്നു ഞങ്ങളുടെ ലക്ഷ്യം. അതിനായി വീടുകൾതോറും കയറി ഇറങ്ങി പ്ലാസ്റ്റിക് ശേഖരിക്കുകയും വഴിയോരങ്ങളിൽ കുമിഞ്ഞു കൂടി കിടന്നിരുന്ന പ്ലാസ്റ്റിക് മാലിന്യങ്ങൾ ശേഖരിച്ചു നിർമ്മാജനം ചെയ്യുകയും ചെയ്തു. വളണ്ടിയേഴ്സ്ന്റെ സജീവ പങ്കാളിത്തം ശുചീകരണ പ്രവർത്തനങ്ങൾ കാര്യക്ഷമം ആക്കി.
ശേഷം പ്രശസ്ത ഫോട്ടോഗ്രാഫർ ശ്രീ.മനൂപ് ചന്ദ്രൻ നയിച്ച ഫോട്ടോഗ്രഫി ക്ലാസും സങ്കടിപ്പിക്കുകയുണ്ടായി.താൻ പകർത്തിയ ഫോട്ടോകൾ പ്രദർശിപ്പിച്ച സർ, വളണ്ടിയേഴ്സിനെ ഫോട്ടോഗ്രാഫിയുടെ ലോകത്തേക്ക് കൂട്ടികൊണ്ട് പോയി. ശേഷം ശ്രിമതി ധന്യ ടീച്ചറുടെ നേതൃത്വത്തിൽ നടന്ന ആഭരണ നിർമാണം ക്ലാസിനും, കലാപരിപാടികൾക്കും അവലോഹനത്തിനും ശേഷം നാലാം ദിനം പര്യവസാനിച്ചു..